გამოყენების წესები

კამპუსას გამოყენებით ადასტურებ, რომ გაეცანი ამ წესებს და თანახმა ხარ მათ დაცვაზე.

1. პლატფორმის როლი

კამპუსა არის განცხადებების, ძიებისა და მომხმარებლებს შორის დაკავშირების პლატფორმა. პლატფორმა არ არის მომხმარებლებს შორის დადებული ნასყიდობის, ქირავნობის ან სხვა გარიგების მხარე და არ განსაზღვრავს გარიგების პირობებს.

2. განცხადებების განთავსება

განცხადების ავტორი ვალდებულია მიუთითოს ზუსტი და უტყუარი ინფორმაცია. აკრძალულია ყალბი ინფორმაციის, სხვისი სახელით განცხადების ან უფლებამოსილების გარეშე სხვისი მასალის გამოყენება.

3. გადახდები და გარიგებები

მყიდველსა და გამყიდველს შორის ნივთის ან მომსახურების საფასური კამპუსას გავლით არ გადის. მხარეები თავად შეთანხმდებიან გადახდის, შეხვედრის, მიწოდებისა და სხვა პირობებზე. კამპუსა არ იღებს, არ ინახავს და არ გასცემს ასეთ თანხებს.

4. VIP სერვისი

VIP არის კამპუსას მიერ შეთავაზებული ფასიანი ხილვადობის მომსახურება. VIP საფასური ეხება მხოლოდ განცხადების პრიორიტეტულ განთავსებასა და დამატებით ხილვადობას და არ წარმოადგენს მყიდველსა და გამყიდველს შორის გარიგების საფასურს.

5. აკრძალული განცხადებები

აკრძალულია უკანონო, თაღლითური, მოპარული, ყალბი ან მესამე პირის უფლებების დამრღვევი ნივთებისა და მომსახურებების შეთავაზება. ასევე აკრძალულია ნივთები და მომსახურებები, რომელთა გავრცელება ან გაყიდვა მოქმედი კანონმდებლობით შეზღუდული ან აკრძალულია.

6. მოდერაცია და რეპორტები

კამპუსას შეუძლია შეამოწმოს, შეზღუდოს, დამალოს ან წაშალოს განცხადება, რომელიც არღვევს წესებს, ქმნის უსაფრთხოების რისკს ან კანონიერ მოთხოვნას ექვემდებარება. მომხმარებლებს შეუძლიათ საეჭვო განცხადებების რეპორტირება.

7. ანგარიშის შეზღუდვა

წესების დარღვევის, თაღლითობის, სისტემატური რეპორტების ან პლატფორმის უსაფრთხოებისთვის არსებითი რისკის შემთხვევაში შესაძლებელია ანგარიშის დროებით ან მუდმივად შეზღუდვა.

8. უსაფრთხოება

მომხმარებლებს ვურჩევთ შეხვდნენ საჯარო ადგილას, შეამოწმონ ნივთი გარიგებამდე და მოერიდონ წინასწარ გადახდას, როდესაც მეორე მხარის სანდოობა არ აქვთ დადასტურებული. პლატფორმა არ იძლევა გარანტიას განცხადების ავტორის, ნივთის ან გარიგების ხარისხზე.